Къэбэрдей‐Балъкъэр Республикэм и Iэтащхьэ
ПщIэ зыхуэтщI КIуэкIуэ Къэзбэч
Нобэ Сирием зауэ щекlуэкlым къыхэкIыу хэхэсу абы щыпсэу ди лъэпкъэгъухэм зауэм хэкlуэдэнкlэ шынагъуэ къащхьэщыхьащ. Мы Iуэхум ди лъэпкъыр ирогузавэ, ди къуэшхэм тхьэмыщкlагъэшхуэ къалъысынкlэ шынагъуэщ. Апхуэдэу уэри, уи дамэщIэтхэми мы къэхъуа гузавэгъуэр фигу къызэреуэм шэч къытетхьэкъым.
Дыгъуасэ Украинэм къикIахэм хуэфщIа гулъытэмрэ, гущIэгъумрэ хуэдэу ноби лъэпкъым, цIыхубэм я щхьэщыжакIуэу фызэрыщытыр вгъэлъагъуэу ди лъэпкъэгъу гузавэгъуэм хэхуахэм быдэу факъуэувэну дыфщогугъ. Нобэ хуэдэ зы махуэщ цIыхум къуэш, благъэ, цIыхугъэ щIыжиIэжри, дыфщогугъ Сирием щыщ ди лъэпкъэгъу гузавэгъуэ зылъысахэм фи Iэр яхуэфшийну, Хэкум къефшалIэжыну.
Апхуэдэ псапэшхуэ влэжьмэ Хэкум екIуэлIэжыныр зи уэсияту щIым щIыхьэжа ди адэжьхэми я псэр арэзы къыфхуэхъунщ, цIыхубэм я пащхьэми нэхъри ину фи пщIэм зыщиIэтынщ. Апхуэдэ къабзэу ди хэкуэгъу къэфшэжхэм Хэкум цIыхуу исыр лъэныкъуэкIэ еплъу щымыту зэрызыщIагъэкъуэнур хьэкъщ.
Аращи фIыкIэ дыфщогугъ, унафэ дахэ Тхьэм фигъэщI!
Мэш Исмел, тхыдэтх, бэдаущ лэжьакIуэ
Дыгъэгъазэм и 7 махуэ 2024 гъ.